सरकारी कर्मचारी बँकेच्या चेअरमनसह ४६ जणांवर गुन्हा

ए.टी.एम. खरेदीत पाच कोटी ४९ लाख रुपयांचा गैरव्यवहार केल्याप्रकरणी धुळे - नंदुरबार गर्व्हमेंट सर्व्हंट बॅँकेच्या चेअरमनसह संचालक मंडळ व अधिकारी अशा ४६ जणांविरूद्ध बुधवारी फसवणुकीचा गुन्हा दाखल करण्यात आला.

धुळे : ए.टी.एम. खरेदीत पाच कोटी ४९ लाख रुपयांचा गैरव्यवहार केल्याप्रकरणी धुळे - नंदुरबार गर्व्हमेंट सर्व्हंट बॅँकेच्या चेअरमनसह संचालक मंडळ व अधिकारी अशा ४६ जणांविरूद्ध बुधवारी फसवणुकीचा गुन्हा दाखल करण्यात आला.
विशेष लेखा परीक्षक वसंत राठोड यांनी या गैरव्यवहारप्रकरणी पोलिसात फिर्याद दिली. कर्जावरील व्याज वसूल झाले नसताना त्याचे ४ कोटी ४४ लाख ५३ हजार २०५ रुपयांचे उत्पन्न दर्शविण्यात आल्याचे तसेच ए.टी.एम. खरेदीसाठी रिझर्व्ह बँकेची परवानगी घेण्यात आली नसल्याचे तक्रारीत म्हटले आहे.