धक्कादायक! मित्राने लैंगिक शोषणाला प्रतिकार केल्याने मित्रानेच केला खून   

By ऑनलाइन लोकमत | Published: December 22, 2018 07:42 PM2018-12-22T19:42:51+5:302018-12-22T19:45:47+5:30

याप्रकरणी त्या मुलासह त्याच्या सहकाऱ्यालाही साकीनाका पोलिसांनी अटक केली आहे. तो दोघेही अल्पवयीन आहेत. विशेष म्हणजे मित्र हरवल्याची खोटी बतावणी करत त्याच्या कुटुंबियांसह तोही मित्राला शोधण्यासाठी त्यांच्याबरोबर फिरत होता.

Shocking The friend has murdered his friend due to sexual harassment | धक्कादायक! मित्राने लैंगिक शोषणाला प्रतिकार केल्याने मित्रानेच केला खून   

धक्कादायक! मित्राने लैंगिक शोषणाला प्रतिकार केल्याने मित्रानेच केला खून   

Next
ठळक मुद्देमुलाने मित्रावर लैंगिक अत्याचार करण्याचाही प्रयत्न केला होतापोलिसी खाक्या दाखवताच त्याने गुन्हा कबूल केला.अपहरण आणि हत्येचा गुन्हा दाखल करण्यात आला आहे.

मुंबई - 15 वर्षीय मुलाने त्याच्याच 10 वर्षाच्या मित्राचा खून करून त्याचा मृतदेह साकीनाक्यातील नाल्यात फेकून दिल्याची धक्कादायक कबूली दिली आहे. या घटनेमुळे साकीनाका परिसरात खळबळ माजली आहे.  या मुलाने मित्रावर लैंगिक अत्याचार करण्याचाही प्रयत्न केला होता. याप्रकरणी त्या मुलासह त्याच्या सहकाऱ्यालाही साकीनाका पोलिसांनी अटक केली आहे. तो दोघेही अल्पवयीन आहेत. विशेष म्हणजे मित्र हरवल्याची खोटी बतावणी करत त्याच्या कुटुंबियांसह तोही मित्राला शोधण्यासाठी त्यांच्याबरोबर फिरत होता.

गुरुवारी सायंकाळी साकीनाका परिसरातून 10 वर्षाचा मुलगा हरवल्याची तक्रार दाखल करण्यात आली होती. त्याच्या शेजारी राहणाऱ्या 15 वर्षाच्या मुलाने त्याला खेळण्यासाठी सोबत नेले होते. मात्र, रात्री उशीरापर्यंत तो परत आला नाही. त्याच्या वडिलांनी सर्वत्र शोधाशोध केली. त्यांच्यासह तो 15 वर्षाचा त्याचा मित्रही होता. त्यानंतर त्या मुलाच्या वडिलांना गुरुवारी रात्री १०.३० वाजताच्या सुमारास एक निनावी फोन आला. तुमच्या मुलाचे आम्ही अपहरण केले आहे. तो जिवंत पाहिजे असल्यास ५ लाख रुपये द्या अशी मागणी फोनवरून करण्यात आली. पोलिसांनी या फोनचा माग काढला असता, तो संपर्क क्षेत्राबाहेर येत होता. या घटनेनंतर पोलिसांनी तातडीने तपासाची चक्रे फिरवायला सुरुवात केली. हरवलेला मुलगा त्याच्या 15 वर्षाच्या मित्रासोबतच शेवटी दिसला होता. त्यामुळे त्याला ताब्यात घेऊन पोलिसांनी चौकशीला सुरुवात केली. त्याने पोलिसांनाही तो हरवल्याची बतावणी केली. मात्र, पोलिसी खाक्या दाखवताच त्याने गुन्हा कबूल केला.

‘सायंकाळी मित्राला घेऊन मी सार्वजनिक शौचालयात गेलो. तेथे त्याच्यावर लैंगिक अत्याचार करण्याचा प्रयत्न केला. मात्र, त्याने आरडाओरडा केल्यामुळे मी रागाच्या भरात त्याचा खून केला. त्यानंतर त्याचा मृतदेह बॅगेत भरून साकीनाक्याच्या नाल्यात फेकला’, अशी खळबळजनक माहिती त्याने पोलिसांना दिली. पोलिसांनी नाल्यामध्ये मुलाचा मृतदेह शोधण्याची मोहीम हाती घेतली आहे. त्याचा मृतदेह नाल्यात फेकल्यावर कोणालाही संशय येऊ नये, म्हणून त्याच्या वडिलांसह त्याला शोधायला गेल्याचेही त्याने सांगितले. तो हरवला आहे, यावर सगळ्यांचा विश्वास बसावा यासाठी एका फोनवरून त्याच्या वडिलांना फोन करून त्याचे अपहरण केल्याचे सांगत ५ लाखांची खंडणी मागितली. त्यानंतर ते सिमकार्डही फेकून दिल्याचे त्याने सांगितले. त्याला फोन करण्यासाठी मोबाईल देणाऱ्या त्याच्या सहकाऱ्यालाही पोलिसांनी अटक केली आहे. या मुलाने शाळेत याआधीही चोरी केल्याची माहिती मिळाली आहे. त्याच्यावर अपहरण आणि हत्येचा गुन्हा दाखल करण्यात आला आहे.

Web Title: Shocking The friend has murdered his friend due to sexual harassment

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.