ठळक मुद्देसिंधूने १७व्या मानांकित ओहोरीला २१-१७, २१-१४ असे सहज पराभूत केले आणि आपल्या वाढदिवसाला विजयाचे कोंदण लावले.
मुंबई : आपल्या २३व्या वाढदिवशी विजय मिळवणाऱ्या भारताच्या पी.व्ही. सिंधूला मास्टर-ब्लास्टर सचिन तेंडुकरने शुभेच्छा दिल्या आहेत. इंडोनेशियन स्पर्धेत सिंधूने आपल्या वाढदिवशी विजय मिळवत स्वत:लाच अनोखी भेट दिली आहे.
सचिनने ट्विटरवर सिंधूला शुभेच्छा देताना म्हटले आहे की, " आज खास दिवशी चांगली बातमी मिळाली. उपांत्यपूर्व फेरीत पोहोचल्याबद्दल तुझे अभिनंदन आणि वाढदिवसाबद्दल शुभेच्छा. स्पर्धेत यापुढेही तुला यश मिळो, हीच इच्छा. "
सिंधू सध्या इंडोनेशियामध्ये जकार्ता बॅडमिंटन स्पर्धा खेळत आहे. या स्पर्धेत आज तिचा सामना होता तो जपानच्या आया ओहरीबरोबर. या सामन्यात सिंधूने १७व्या मानांकित ओहोरीला २१-१७, २१-१४ असे सहज पराभूत केले आणि आपल्या वाढदिवसाला विजयाचे कोंदण लावले.
Web Title: Sachin Tendulkar wishes Sindhu
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
