रवींद्र जडेजा रुग्णालयात, पहिल्या कसोटीआधी भारताला धक्का

By लोकमत न्यूज नेटवर्क on Thu, January 04, 2018 1:28am

भारतीय संघाच्या दक्षिण आफ्रिका दौºयात पहिली कसोटी सुरू होण्याआधीच भारतीय संघाला मोठा धक्का बसला आहे. शुक्रवारपासून सुरू होत असलेल्या पहिल्या कसोटीपूर्वी भारतीय संघाचा महत्त्वाचा फिरकीपटू रवींद्र जडेजा याला रुग्णालयात हलविण्यात आले आहे.

केपटाऊन -  भारतीय संघाच्या दक्षिण आफ्रिका दौºयात पहिली कसोटी सुरू होण्याआधीच भारतीय संघाला मोठा धक्का बसला आहे. शुक्रवारपासून सुरू होत असलेल्या पहिल्या कसोटीपूर्वी भारतीय संघाचा महत्त्वाचा फिरकीपटू रवींद्र जडेजा याला रुग्णालयात हलविण्यात आले आहे. बीसीसीआयमधील सूत्रांनी दिलेल्या माहितीनुसार, व्हायरलमुळे गेल्या दोन दिवसांपासून रवींद्र जडेजाला त्रास जाणवत होता. खबरदारीचा उपाय म्हणून त्याला भरती करण्यात आले. स्थानिक डॉक्टरांच्या मदतीने बीसीसीआयचे वैद्यकीय पथक जडेजाच्या तब्येतीवर लक्ष ठेवून आहे. पुढील ४८ तासांत जडेजाच्या प्रकृतीत सुधारणा होईल, असा अंदाज स्थानिक डॉक्टरांनी व्यक्त केला. पहिल्या कसोटीसाठी जडेजाचा संघात समावेश करायचा की नाही, याचा निर्णय अखेरच्या दिवशी घेण्यात येईल. याआधी सलामीवीर शिखर धवन याच्या पायाच्या घोट्याला दुखापत झाली होती, तथापि तो फिट असल्याचे संघव्यवस्थापनाचे म्हणणे आहे. तो मुरली विजयसोबत डावाला सुरुवात करेल. दुखापतीमुळे पहिल्या कसोटीतून माघार घ्यावी लागल्यास शिखर धवनच्या जागी लोकेश राहुलला भारतीय संघात सलामीच्या जागेवर खेळविण्याची तयारी करण्यात आली होती. भारताने तीन वगवान गोलंदाज आणि एका फिरकीपटूसह खेळण्याचा निर्णय घेतल्यास रविचंद्रन आश्विन याला जडेजाऐवजी संधी मिळू शकते. (वृत्तसंस्था)

संबंधित

India vs England 5th Test: लोकेश राहुलने केली राहुल द्रविडच्या विक्रमाशी बरोबरी
सर्वच क्रिकेटमध्ये खेळायची इच्छा : जडेजा
India vs England 5th Test: इंग्लंडच्या तळाच्या फलंदाजांनी दुसऱ्या दिवशी जोडल्या 134 धावा
India vs England 5th Test: जोस बटलर-स्टुअर्ट ब्रॉड या जोडीने रचला विक्रम
India vs England 5th Test: इंग्लंडच्या तळाच्या फलंदाजांनी विराट कोहलीला रडवलं

क्रिकेट कडून आणखी

टीम इंडियाचा शिलेदार सिराजच्या आईनं 'त्या' चुकीबद्दल मागितली मुलाची माफी!
Awesome : ऑस्ट्रेलियाच्या क्रिकेटपटूंनी कुटल्या 50 षटकांत 596 धावा  
बाप रे बाप, इंग्लंडच्या सराव सत्रात शिरला साप!
पृथ्वी, रिषभ, उमेश यांची लक्षवेधी कामगिरी
१८ वर्षांच्या वयामध्ये आम्ही पृथ्वीच्या १० टक्केही नव्हतो - कोहली

आणखी वाचा