लंडन, आयसीसी वर्ल्ड कप 2019 : शिखर धवनची दुखापत गंभीर असल्यामुळे आता त्याला विश्वचषकाला मुकावे लागणार आहे. धवनच्या जागी आता रिषभ पंतची संघात एंट्री होणार आहे. पण पंतला संघात येणार असला तरी तो खेळणार कुठे, हा प्रश्न काही जणांना पडला आहे.
धवनला ऑस्ट्रेलियाविरुद्धच्या सामन्यात दुखापत झाली होती. त्यानंतर न्यूझीलंडचा सामना पावसामुळे वाया गेला होता. पण पाकिस्तानविरुद्धच्या सामन्यात धवनच्या जागी लोकेश राहुलने सलामीची जबाबदारी पार पाडली होती. त्याचबरोबर आतापर्यंत बऱ्याचदा हार्दिक पंड्या चौथ्या स्थानावर आला आहे. चौथ्या स्थानासाठी आता दिनेश कार्तिकला संधी मिळू शकते, असे म्हटले जात होते. पण त्याला अजूनही संघात स्थान मिळालेले नाही. दुसरीकडे भुवनेश्वर कुमार तीन सामन्यांमध्ये दुखापतीमुळे खेळू शकणार नाही. भुवनेश्वरच्या जागी मोहम्मद शमी संघात येणार आहे. भारतीय संघात पंतपेक्षा कार्तिकला जास्त अनुभव आहे. त्यामुळे पंच संभाव्य संघात आला असला तरी त्याला अकरा जणांमध्ये स्थान मिळवणे कठीण दिसत आहे.
रीषभ पंत करणार भारतीय संघात एंट्री
भारताचा पाकिस्तानविरुद्धचा सामना 16 जूनला झाला. त्यावेळी रिषभ पंत इंग्लंडमध्ये दाखल झाला होता. पण पंतला भारतीय संघात एंट्री देण्यात आली नव्हती. पण आजपासून मात्र पंत भारतीय संघात दमदार एंट्री करणार आहे.
भारताच्या वर्ल्ड कप मोहिमेला मोठा धक्का बसला. अंगठ्याला दुखापत झाल्यामुळे भारताचा सलामीवीर शिखर धवनला स्पर्धेतून माघार घ्यावी लागली आहे. त्यामुळे रिषभ पंतचा मार्ग मोकळा झाला आहे. धवन तीन आठवड्यात दुखापतीतून सावरेल असे सांगण्यात येत होते, परंतु तो सावरणार नसल्याचे स्पष्ट झाले आहे. त्यामुळे त्यानं उर्वरित स्पर्धेतून माघार घेतली आहे. IANSला बीसीसीआयच्या सूत्रांनी ही माहिती दिली. ''धवन वर्ल्ड कप खेळण्यासाठी फिट नसून त्याला रिकव्हर होण्यासाठी दोन आठवड्यांपेक्षा अधिक कालावधी लागेल. त्यामुळे तो वर्ल्ड कप स्पर्धेतून माघार घेत आहे,'' असे सूत्रांनी स्पष्ट केले.
दक्षिण आफ्रिका आणि ऑस्ट्रेलिया या बलाढ्य संघांविरुद्घचे सामने जिंकून वर्ल्ड कप स्पर्धेत जोरदार सुरुवात करणाऱ्या भारतीय संघाला जबरदस्त धक्का बसला आहे. ऑस्ट्रेलियाविरुद्धच्या लढतीत घणाघाती शतकी खेळी करणारा डावखुरा सलामीवीर शिखर धवन दुखापतग्रस्त झाला आहे. ऑस्ट्रेलियाविरुद्ध फलंदाजी करताना हाताला झालेल्या दुखापतीमुळे धवनला तीन आठवडे संघाबाहेर राहावे लागणार होते, पण आता त्याला स्पर्धेलाच मुकावे लागणार आहे.
ऑस्ट्रेलियाविरुद्ध झालेल्या लढतीत शिखर धवनने शानदार शतकी खेळी केली होती. त्याने रोहित शर्मा आणि कर्णधार विराट कोहलीसमवेत केलेल्या मोठ्या भागीदाऱ्यांमुळे भारतीय संघाला साडेतीनशेपार मजल मारता आली होती. मात्र या खेळीदरम्यान पॅट कमिन्सचा एक उसळता चेंडू हातावर बसून शिखरच्या अंगठ्याला दुखापत झाली होती. दुखापत बळावल्याने तो क्षेत्ररक्षणालाही येऊ शकला नव्हता.
Web Title: ICC World Cup 2019: Rishabh Pant will come in the team, but where to play ...
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
