मुंबई : क्रिकेटचा देव सचिन तेंडुलकरचा आज 46 वा वाढदिवस... 2013 साली वानखेडेवर तेंडुलकरने आंतरराष्ट्रीय क्रिकेटमधून निवृत्ती घेतली, परंतु त्याच्या खेळाची मोहिनी अजूनही क्रिकेटप्रेमींच्या मनावर कायम आहे. आंतरराष्ट्रीय क्रिकेटमध्ये 100 शतक झळकावणाऱ्या पहिल्या आणि एकमेव खेळाडूचा मान तेंडुलकरच्या नावावर आहे. भारतीय क्रिकेटसाठी त्याने दिलेले योगदान हे अमुल्य आहे. पण, तुम्हाला हे माहीतीय का, तेंडुलकरने पाकिस्तान संघाचेही प्रतिनिधित्व केले आहे.
20 फेब्रुवारी 1987 सालची ही गोष्ट... मुंबईच्या ब्रेबॉर्न स्टेडियमवर क्रिकेट क्लब ऑफ इंडियाच्या (सीसीआय) सुवर्णमहोत्सवी वर्षानिमित्त
पाकिस्तान विरुद्ध सीसीआय क्लब यांच्यात सराव सामना खेळला गेला. या सामन्यादरम्यान पाकिस्तानचे काही खेळाडू आराम करण्यासाठी हॉटेलवर निघून गेले. त्यामुळे पाक संघाचा कर्णधार इमरान खानने सीसीआयच्या कर्णधाराला संघात खेळाडू कमी असल्याचे सांगितले. त्याने क्षेत्ररक्षणासाठी 3-4 खेळाडू देऊ शकतात का, अशी विचारणा केली. त्यावेळी तेंडुलकर आणि खुशरू वसानिया हे दोघे तेथेच हजर होते. तेव्हा तेंडुलकरने पाकिस्तान संघासाठी 25 मिनिटे क्षेत्ररक्षण केले.
तेंडुलकरने 463 वन डे सामन्यात 86.23 च्या स्ट्राइक रेटने 18426 धावा केल्या आहेत. यात 49 शतकांचा, तर 96 अर्धशतकांचा समावेश आहे. कसोटीत 200 सामन्यांत त्याने 51 शतक व 68 अर्धशतकांसह 15921 धावा केल्या आहेत. कसोटी क्रिकेटमध्ये 2000 हून अधिक चौकार मारणारा तो एकमेव खेळाडू आहे. त्याच्या नावावर 2058 चौकार आहेत.
Web Title: Happy Birthday Sachin Tendulkar: ... When Sachin Tendulkar played for Pakistan
Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.
