उत्पादन क्षेत्राची वृद्धी पाच वर्षांच्या उच्चांकावर, व्यवसायात झाली वाढ

By लोकमत न्यूज नेटवर्क on Thu, January 04, 2018 12:35am

डिसेंबर महिन्यात वस्तू उत्पादन (मॅन्युफॅक्चरिंग) क्षेत्रातील हालचाली वाढून पाच वर्षांच्या उच्चांकावर पोहोचल्या आहेत. निक्की इंडियाचा मॅन्युफॅक्चरिंग पर्चेसिंग मॅनेजर्स इंडेक्स (पीएमआय) डिसेंबरमध्ये वाढून ५४.७ झाला. नोव्हेंबरमध्ये तो ५२.६ होता. मार्च २००५मध्ये पीएमआय मोजण्यास सुरुवात झाली.

नवी दिल्ली - डिसेंबर महिन्यात वस्तू उत्पादन (मॅन्युफॅक्चरिंग) क्षेत्रातील हालचाली वाढून पाच वर्षांच्या उच्चांकावर पोहोचल्या आहेत. निक्की इंडियाचा मॅन्युफॅक्चरिंग पर्चेसिंग मॅनेजर्स इंडेक्स (पीएमआय) डिसेंबरमध्ये वाढून ५४.७ झाला. नोव्हेंबरमध्ये तो ५२.६ होता. मार्च २००५मध्ये पीएमआय मोजण्यास सुरुवात झाली. त्याची आजपर्यंतची सरासरी ५४.० आहे. डिसेंबरमध्ये तो सरासरीपेक्षा किंचित जास्त राहिला. २०१२नंतर प्रथमच नवीन व्यवसाय आणि रोजगार निर्मितीतही सर्वाधिक वाढ दिसून येत आहे. एप्रिलनंतर कच्चा माल सर्वाधिक महाग झाला आहे. कंपन्यांनी आपल्या मालाची विक्री किंमत फेब्रुवारीनंतर सर्वाधिक वेगाने वाढविली आहे, असे सर्वेक्षणात आढळून आले आहे. देशातील ४०० औद्योगिक कंपन्यांच्या खरेदी अधिकाºयांना पाठविलेल्या प्रश्नावलीतून मिळणाºया उत्तराच्या आधारे निक्की इंडिया मॅन्युफॅक्चरिंग पीएमआय काढला जातो. कोळसा, स्टील, कच्चे तेल, रिफायनरी उत्पादने, सिमेंट, खते आणि वीज या गाभा क्षेत्रात नोव्हेंबरमध्ये ६.८ टक्के वाढ दिसून आली. अनेक काळ ठप्प होते हे क्षेत्र सूत्रांनी सांगितले की, ८ नोव्हेंबर २०१६ रोजी सरकारने नोटाबंदी जाहीर केली होती. त्यानंतर जवळपास सहा महिने अर्थव्यवस्था ठप्प झाली होती. त्यानंतर १ जुलै रोजी जीएसटी लागू करण्यात आला. आधीचा मालसाठा संपविण्यावर उद्योगांनी भर दिल्यामुळे जीएसटीच्या आधी काही महिने उत्पादन ठप्प होते. त्यामुळे मॅन्युफॅक्चरिंग क्षेत्रातील घडामोडी मंदावल्या होत्या. त्यानंतर आता उत्पादन वाढल्याचे निक्की इंडियाच्या सर्वेक्षणातून दिसून येत आहे.

संबंधित

तिरंगी क्रिकेट मालिका : अंतिम सामन्यात भारताची श्रीलंकेवर मात
२०१९ ची निवडणूक ऐतिहासिक असेल : भालचंद्र कानगो
संयुक्त राष्ट्रात मानवाधिकार परिषदेचा सदस्य म्हणून भारताची निवड, 188 मतांनी ऐतिहासिक विजय
भारत-श्रीलंका यांच्यात विजेतेपदाची लढत, इंग्लंडचे आव्हान संपुष्टात
संविधानातील मूलभूत अधिकार आणि मार्गदर्शक तत्त्वांचे स्वरूप

व्यापार कडून आणखी

बिगर सरकारी पीएफवरील व्याजदरात ०.४ टक्के वाढ
नव्या तंत्रज्ञानामुळे 18 कोटी महिलांच्या नोकरीवर टांगती तलवार
सरकारी कर्मचा-यांना दिवाळीपूर्वीच मोठं गिफ्ट, जीपीएफचे व्याजदर वाढले
कमी नोकऱ्या, अल्प वेतनामुळे ग्राहकांचा विश्वास ढासळला!; रिझर्व्ह बँकेच्या ‘कॉन्फिडन्स’ अहवालातील तथ्य
विलीनीकरणाची घाई नाही, आर्थिक सक्षमता महत्त्वाची; पीएनबी उच्चाधिकाऱ्यांचे मत

आणखी वाचा