मुंबई : डॉलरसमोर भारतीय रुपयाने ऐतिहासिक निचांकी पातळी गाठली असून आज, मंगळवारी पाच पैशांची घसरण नोंदवत 70.07 रुपयांवर घसरला आहे. यावरून पंतप्रधान नरेंद्र मोदी यांच्यावर विरोधकांनी टीकेचा भडीमार सुरु केला आहे. महत्वाचे म्हणजे, देशाच्या स्वातंत्र्याला 71 वर्षे झाली असताना रुपयाही सत्तरीपार पोहोचल्याने टीकेला आणखीनच धार चढली आहे.
गेल्या 70 वर्षांत काँगेसने काही केले नसल्याची नेहमीच टीका करणाऱ्या पंतप्रधान नरेंद्र मोदी यांच्यावर काँग्रेसने आज शरसंधान साधले. अखेर मोदी सरकारने असे काही करून दाखवलेच, जे आम्ही 70 वर्षांत करू शकलो नव्हतो, असे ट्विट केले आहे. तसेच मोदी यांनी काँग्रेस सरकारच्या काळात रुपया 67 वर पोहोचल्याने देशाची इभ्रत खाली गेल्याची टीका केली होती. यावरही काँग्रेसचे प्रवक्ता रणदीप सुरजेवाला यांनी टीका केली. गतीमंद झालेली अर्थव्यवस्था, घसरत चाललेला रुपया, सांगा मोदी आता कोण देशाचा सन्मान घालवत आहे, अशा शब्दांत शरसंधान साधले.
Modiji finally managed to do something that we couldn't do in 70 years. pic.twitter.com/jCFH79YrCQ
— Congress (@INCIndia) August 14, 2018
आपनेही टीका करताना जनता झेलतेय मार, रुपया पोहोचलाय सत्तरी पार, आता तरी जागे व्हा मोदी सरकार, असे ट्विट केले आहे. यासोबत #IndianEcononomyIsDying हा हॅशटॅगही केला आहे.
जनता झेल रही है मार,
— AAP (@AamAadmiParty) August 14, 2018
रुपया पहुंचा 70 के पार,
अब तो जागो मोदी सरकार !#IndianEcononomyIsDyingpic.twitter.com/iVdjDPKkin
या पार्श्वभुमीवर शिवसेनेचे युवा सेना प्रमुख आदित्य ठाकरे यांनीही ट्विटरवर केंद्र सरकारवर टीका केली आहे. स्वातंत्र्य मिळाले तेव्हा एका रुपयाला एक डॉलर असे प्रमाण होते. आज स्वातंत्र्य मिळून 71 वर्षे झाली. म्हणजेच प्रत्येक वर्षाला एक रुपया असा रुपया घसरला आहे, अशा शब्दांत टीका केली.
Oops! Or may be I’m interpreting it the wrong way. “Like when we won freedom” may also mean in our first year, it was ₹1=$1. Now at 71 years of Independence, we’re touching 70! We’re surely moving towards the promise!
— Aaditya Thackeray (@AUThackeray) August 14, 2018