अबरामसाठी शाहरुख खानने अमिताभ बच्चन यांना केली ही खास विनंती

By ऑनलाइन लोकमत | Published: November 19, 2018 08:00 PM2018-11-19T20:00:00+5:302018-11-19T20:00:01+5:30

मी खरंच शाहरुखचा बाबा असेन तर मी त्यांच्यासोबत त्यांच्या घरी का राहत नाही असा प्रश्न अबरामला पडला आहे,’ असं बिग बींनी शेअर केलेल्या फोटोमध्ये म्हटलं होते. या पोस्टवर शाहरुख खानने आता एक खूप छान रिप्लाय दिला आहे.

Shah Rukh Khan requests Amitabh Bachchan to spend his Saturday with AbRam | अबरामसाठी शाहरुख खानने अमिताभ बच्चन यांना केली ही खास विनंती

अबरामसाठी शाहरुख खानने अमिताभ बच्चन यांना केली ही खास विनंती

googlenewsNext
ठळक मुद्देशाहरुख खानने दिलेल्या रिप्लायची सोशल मीडियावर चांगलीच चर्चा रंगली आहे. शाहरुख खानने अमिताभ यांच्या फोटोवर रिप्लाय देताना म्हटले आहे की, सर तुम्ही आमच्या घरी येत जा ना... शनिवारी तरी अबरामसोबत माझ्या घरी तुम्ही राहा... त्याच्या आयपॅडवर खूप छान गेम आहेत. तुम्ही त्याच्यासोबत डुडल जम्पदेखील खेळू शकता. 

अमिताभ बच्चन यांची नात आराध्याचा नुकताच वाढदिवस सेलिब्रेट करण्यात आला असून या पार्टीमध्ये अनेक सेलिब्रेटी किडने हजेरी लावली होती. यावेळी छोटा अबराम देखील आला होता. विशेष म्हणजे तो अमिताभ यांना शाहरुखचे वडील समजत असून ते आपल्यासोबत का राहत नाही असा निरागस प्रश्न त्याने उपस्थित केल्याचं खुद्द बिग बींनी सोशल मीडियाच्या माध्यमातून सांगितले.

अमिताभ यांनी इन्स्टाग्रामवर एक फोटो शेअर केला असून या फोटोमध्ये त्यांच्यासोबत अबराम आणि श्वेता नंदा दिसून येत आहे. ‘शाहरुखचा हा लहानगा अबराम मला त्याचे आजोबा समजतो. मीच शाहरुखचा वडील आहे असा त्याचा समज आहे. त्यामुळे जर मी खरंच शाहरुखचा बाबा असेन तर मी त्यांच्यासोबत त्यांच्या घरी का राहत नाही असा प्रश्न त्याला पडला आहे,’ असं बिग बींनी शेअर केलेल्या फोटोमध्ये म्हटलं होते. या पोस्टवर शाहरुख खानने आता एक खूप छान रिप्लाय दिला आहे. सध्या या रिप्लायची सोशल मीडियावर चांगलीच चर्चा रंगली आहे. 

शाहरुख खानने अमिताभ यांच्या फोटोवर रिप्लाय देताना म्हटले आहे की, सर तुम्ही आमच्या घरी येत जा ना... शनिवारी तरी अबरामसोबत माझ्या घरी तुम्ही राहा... त्याच्या आयपॅडवर खूप छान गेम आहेत. तुम्ही त्याच्यासोबत डुडल जम्पदेखील खेळू शकता. 

चित्रपटसृष्टीमध्ये मुक्त वावर असणारे कलाकार आपल्या भूमिकेला न्याय देण्यासाठी प्रचंड मेहनत करत असतात. भूमिका वास्तवात खरी वाटावी यासाठी अनेक वेळा कलाकार ती भूमिका जगत असतात. त्यामुळे पडद्यावर भाऊ-बहीण, वडील-मुलगा असं नातं साकारणाऱ्या कलाकार मंडळींचा प्रत्यक्षातही ऋणानुबंधन असल्याचा भास अनेकवेळा होतो. असाच काहीसा भ्रम शाहरुखच्या लहानग्या अबरामला झाला असून तो अभिनेता आमिताभ बच्चन यांना आजोबा समजत आहे. आतापर्यंत शाहरुख खान आणि अमिताभ बच्चन यांनी अनेक चित्रपटांमध्ये एकत्र स्क्रिन शेअर केली आहे. त्यामुळे अमिताभ-शाहरुख यांच्यात वडील- मुलाचं नातं असल्याचं अबराम समजतो. त्यामुळेच त्याने हा निरागस प्रश्न विचारल्याचं बिग बीं यांनी म्हटलं होते.

 


 

Web Title: Shah Rukh Khan requests Amitabh Bachchan to spend his Saturday with AbRam

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.