‘पीएम नरेंद्र मोदी’त बोमन इराणींची एन्ट्री, साकारणार हे पात्र!!
By ऑनलाइन लोकमत | Published: February 21, 2019 01:38 PM2019-02-21T13:38:37+5:302019-02-21T13:38:42+5:30
नरेंद्र मोदी यांच्या मातोश्री, अमित शहा यांची व्यक्तिरेखा कोण साकारणार, हे लोकांना कळले. आता या चित्रपटातील आणखी एका पात्राविषयीची माहिती समोर आली आहे.
![pm narendra modi biopic boman irani to play ratan tata role | ‘पीएम नरेंद्र मोदी’त बोमन इराणींची एन्ट्री, साकारणार हे पात्र!! pm narendra modi biopic boman irani to play ratan tata role | ‘पीएम नरेंद्र मोदी’त बोमन इराणींची एन्ट्री, साकारणार हे पात्र!!](https://d3pc1xvrcw35tl.cloudfront.net/images/420x315/dz5mgfhu0aefj93_201902198894.jpg)
‘पीएम नरेंद्र मोदी’त बोमन इराणींची एन्ट्री, साकारणार हे पात्र!!
पंतप्रधान मोदी यांच्या आयुष्यावर बेतलेला ‘पीएम नरेंद्र मोदी’ हा चित्रपट लवकरच प्रेक्षकांच्या भेटीला येणार आहे. या चित्रपटात अभिनेता विवेक ओबेरॉय मोदींच्या भूमिकेत दिसणार आहे. या चित्रपटाचे पोस्टर रिलीज झाले आणि सर्वाधिक चर्चा रंगली ती चित्रपटातील विविध पात्रांची. नरेंद्र मोदी यांच्या मातोश्री, अमित शहा यांची व्यक्तिरेखा कोण साकारणार, हे लोकांना कळले. आता या चित्रपटातील आणखी एका पात्राविषयीची माहिती समोर आली आहे. होय, या चित्रपटात प्रसिद्ध उद्योगपती रतन टाटा यांचे पात्र असणार आहे. हे पात्र अभिनेता बोमन इराणी साकारणार आहे.
Boman Irani to play a well-known industrialist in the biopic #PMNarendraModi... Stars Vivek Anand Oberoi in the title role... Directed by Omung Kumar... Produced by Suresh Oberoi and Sandip Ssingh... Official look: pic.twitter.com/c0E7t8NnAn
— taran adarsh (@taran_adarsh) February 21, 2019
ट्रेड अॅनालिस्ट तरण आदर्श यांनी इरानींचे काही फोटो शेअर करत याबद्दलची अधिकृत घोषणा केली आहे. खुद्द बोमन इराणी यांनीही या वृत्ताला दुजोरा दिला आहे. ‘मी रतन टाटांसारखा दिसतो, असे अनेक लोक मला म्हणतात. पडद्यावर रतन टाटांची भूमिका साकारायला मिळाली तर, असा विचार त्यामुळेच अनेकदा माझ्यात मनात येत असे आणि याचदरम्यान मला या भूमिकेसाठी बोलवण्यात आले. चित्रपटात माझी भूमिका छोटीशी आहे. पण तितकीच महत्त्वाची आहे. मी लगेच या भूमिकेसाठी होकार कळवला,’असे बोमन यांनी सांगितले.
Here is the first look of actor Mr Manoj Joshi as he plays Mr Amit Shah in the film PM Narendra Modi.#PMNarendraModi@actormanojjoshi@Sandip_Ssingh@Sureshoberoi @OmungKumar pic.twitter.com/73AC2mSMq2
— Joginder Tuteja (@Tutejajoginder) February 18, 2019
रतन टाटांची भूमिका बोमन इराणी साकारणार, हे कळताच चाहते खूश झाल्याचे चित्र आहे. यापूर्वी नरेंद्र मोदींची भूमिका विवेक ओबेरॉय साकारणार म्हटल्यावर लोकांनी नाराजी व्यक्त केली होती. तुम्हाला ठाऊक आहेच की, या चित्रपटात पीएम मोदी यांच्या मातोश्री हिराबेन यांची भूमिका अभिनेत्री जरीना वहाब साकारणार आहे. मोदींच्या पत्नीची भूमिका अभिनेत्री बरखा बिष्ट जिवंत करणार आहे. तर मनोज जोशी अमित शहांच्या भूमिकेत असणार आहेत. ओमंग कुमार यांच्या दिग्दर्शनाखाली बनत असलेला हा चित्रपट अनेक भाषांत रिलीज होणार आहे. या चित्रपटात नरेंद्र मोदी यांच्या राजकिय जीवनातील महत्त्वाच्या घडामोडींवर प्रकाश टाकण्यात येणार आहे.