#MeToo: सुभाष घर्इंवर बलात्काराचा तर साजिद खानवर अश्लिल गैरवर्तनाचा आरोप

‘मीटू’ मोहिमेने बॉलिवूडमध्ये वेग घेतला आहे़ या मोहिमेच्या वावटळीत आता दिग्दर्शक सुभाष घई आणि दिग्दर्शक साजिद खान यांचीही नावे आली आहेत.
एका महिलेने नाव गोपनिय ठेवण्याच्या अटीवर दिग्दर्शक सुभाष घर्इंवर बलात्काराचा आरोप केला आहे. सुभाष घर्इंनी एका चित्रपटाच्या शूटींगवेळी नशेत आपल्यावर बलात्कार केला, अशी आपबीती तिने सांगितली आहे. गाण्याच्या रेकॉर्डिंगसाठी ते मला सोबत घेऊन जात. अनेकदा ते मला घरी सोडविण्यासाठी येत. तेव्हा ते माझ्या मांडीवर हात ठेवत. चांगले काम केल्याबद्दल अनेकदा ते मला मिठी मारत असत. त्यांच्या लोखंडवाला येथील घरी त्यांचे कुटुंबिय राहात नसत. त्यामुळे   ते मला बोलवत. त्यावेळी ते माझ्याशी अतिशय असभ्य वर्तन करात. पण त्यावेळी मला कामाची गरज होती आणि मी मी त्यांच्यासोबतचे काम सोडू शकत नव्हते. एक दिवस म्युझिक सेशन झाल्यानंतर त्यांनी मद्यसेवन केले. मलाही त्यांनी बळजबरीने मद्य दिले. त्यानंतर त्यांनी मला त्यांच्या कारमध्ये बसवले. ते मला घरी सोडत आहेत, असेच मला वाटले. पण त्यांनी मला एका हॉटेलमध्ये नेले आणि माझ्यावर अतिप्रसंग केला. मी रडले आणि विरोधही केला पण त्याचा काहीच उपयोग झाला नाही. त्यानंतर दुसº्या दिवशी सकाळी त्यांनी मला घरी सोडले.   मी काही दिवस कामावर जाणे टाळले. मात्र मी मधेच काम सोडले तर पैसे मिळणार नाहीत असे त्यांनी सांगितल्याने मला पुन्हा कामावर जावे लागले, असे या महिलेने म्हटले आहे.
दरम्यान सुभाष घर्इंनी बलात्काराचा हा आरोप फेटाळून लावला आहे. असत्य वा अर्धसत्य जुन्या कहाण्या जगासमोर आणून कुठल्याही व्यक्तीला खलनायक बनवणे जणू फॅशन झाले आहे. हे आरोप मी अमान्य करतो. मी निश्चितपणे मानहानी खटला दाखल करणार, असे त्यांनी म्हटले आहे.
दिग्दर्शक साजिद खान याच्यावर एक नाही तर तीन महिलांनी लैंगिक छळाचे आरोप केले आहेत. यात एक्स-असिस्टंट सलोनी चोप्रा,अभिनेत्री रिचेल वॉईट आणि जर्नलिस्ट करिश्मा या तिघींचा समावेश आहे. गंभीर आरोप केले आहेत. 

I finally decided to share my story with you. Writing this was like re-living all that horrible past I’d chosen to let go of, but I knew if I don’t today, I may never. So here’s #metoo#MetooIndiahttps://t.co/brouTYIBC7

— Saloni Chopra (@redheadchopra) October 11, 2018

 

साजिद अश्लिल फोटो मागायला, अश्लिल मागण्या करायचा़ तो रात्री-बेरात्री कॉल करायचा. अश्लिल प्रश्न विचारायचा, लगट करायचा असे सलोनी चोप्राने म्हटले आहे. जर्ललिस्ट करिश्मानेही साजिदचा खरा चेहरा जगापुढे आणला आहे. एकदा मी मुलाखत घ्यायला साजिदच्या घरी गेले होते. मुलाखत झाल्यावर मी महिलांना कशाप्रकारे संतुष्ट करतो, हे साजिद मला सांगू लागला. डिव्हिडी घ्यायच्या बहाण्याने तो आत गेला़ बाहेर आला तेव्हा त्याची पॅन्ट उघडी होती. मी तिथून पळण्याचा प्रयत्न केला. पण त्याने मला पकडले आणि बळजरीने किस करू लागला, असे करिश्माने लिहिले आहे.
अद्याप साजिदने या आरोपांवर कुठलीही प्रतिक्रिया दिलेली नाही़