लवकरच लग्न करणार सुशांतची एक्स-गर्लफ्रेन्ड अंकिता लोखंडे!  

By ऑनलाइन लोकमत | Published: December 20, 2018 01:36 PM2018-12-20T13:36:51+5:302018-12-20T13:37:45+5:30

होय, टीव्हीची लोकप्रीय अभिनेत्री आणि ‘मणिकर्णिका- द क्वीन आॅफ झांसी’ या आगामी चित्रपटातून बॉलिवूड पर्दापणास सज्ज असलेली अंकिता लोखंडे लवकरच लग्नबंधनात अडकणार असल्याची खबर आहे

ankita lokhande boyfriend vicky jain get married soon | लवकरच लग्न करणार सुशांतची एक्स-गर्लफ्रेन्ड अंकिता लोखंडे!  

लवकरच लग्न करणार सुशांतची एक्स-गर्लफ्रेन्ड अंकिता लोखंडे!  

googlenewsNext
ठळक मुद्देकिता याआधी अभिनेता सुशांत सिंग राजपूतसोबत रिलेशनशिपमध्ये होती. दोघेही लिव्ह-इन-रिलेशनशिपमध्ये राहत होते.

नवे वर्ष अद्यापही सुरु व्हायचे आहे. पण नव वर्षाच्या आगमनासोबतचं या वर्षांत होऊ घातलेल्या लग्नांची चर्चा सुरु झाली आहे. होय, टीव्हीची लोकप्रीय अभिनेत्री आणि ‘मणिकर्णिका- द क्वीन आॅफ झांसी’ या आगामी चित्रपटातून बॉलिवूड पर्दापणास सज्ज असलेली अंकिता लोखंडे लवकरच लग्नबंधनात अडकणार असल्याची खबर आहे. कधी काळी अभिनेता सुशांत सिंग राजपूतसोबत रिलेशनशिपमध्ये राहिलेली अंकिता विकी जैनसोबत लग्नगाठ बांधणार आहे.


आता हा विकी जैन कोण, असा प्रश्न तुम्हाला पडला असेल. तर विकी जैनचा बॉलिवूडशी संबध नाही. तो एक उद्योगपती आहे. तो बॉक्स क्रिकेट लीगमधील मुंबई टीमचा को-ओनर आहे. अंकिताच्या जवळच्या सूत्राने दिलेल्या माहितीनुसार, सुशांतसोबत ब्रेकअप झाल्यानंतर अंकिता व विकी एकमेकांच्या जवळ आलेत. दोघांच्याही सगळ्या जवळच्या लोकांना या रिलेशनशिपबद्दल ठाऊक आहे. अंकिता विकीच्या कुटुंबाच्याही खूप क्लोज आहे. विकीच्या बहीणीसोबत ती अनेकदा दिसली आहे.

कालच अंकिताचा वाढदिवस झाला. या पार्टीतही विकी हजर होता. गेल्यावर्षी होळीच्या सेलिब्रेशन पार्टीमध्ये दोघे एकत्र आले होते. महत्वाची बाब म्हणजे दोघेही एकाच सोसायटीमध्ये राहतात .
अंकिता याआधी अभिनेता सुशांत सिंग राजपूतसोबत रिलेशनशिपमध्ये होती. दोघेही लिव्ह-इन-रिलेशनशिपमध्ये राहत होते. अंकिता आणि सुशांतची भेट 2009 मध्ये पवित्र रिश्ता मालिकेवेळी झाली होती. त्यानंतर दोघेही 6 वर्ष रिलेशनमध्ये होते. पुढे 2016 मध्ये त्यांचे ब्रेकअप झाले. या ब्रेकअप होण्यामागची वेगवेगळी कारणे सांगितली गेली.  आता अंकिता पुन्हा आपल्या रिलेशनशिपमुळे चर्चेत आली आहे.

Web Title: ankita lokhande boyfriend vicky jain get married soon

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.