अंबाजोगाई परिसरात गावठी दारुच्या अड्यावर छापे; २ लाख ४१ हजार रूपयांचा ऐवज हस्तगत

पथकाने  २ लाख ४१ हजार रूपयांचा ऐवज हस्तगत करून नष्ट केला. 

अंबाजोगाई (बीड ) : राज्य उत्पादन शुल्क विभागाच्याअंबाजोगाई पथकाने बुटेनाथ दरी परिसरात आज सकाळी हातभट्टी ठिकाणांवर धाडी टाकून सहा गुन्हे नोंदवले आहेत. यावेळी पथकाने  २ लाख ४१ हजार रूपयांचा ऐवज हस्तगत करून नष्ट केला. 

पथकाने रसायनाने भरलेली ५३ लोखंडी बॅरल, हातभट्टी दारू तयार करण्यासाठी वापरण्यात येणारी १०,९१५ लिटर मळीचे रसायन असा एकूण २,४१,१५०/- रुपये किमतीचा मुद्देमाल जागीच जप्त करून नष्ट केला. ही कारवाई निरीक्षक राज्य उत्पादन शुल्क अंबाजोगाईचे अनिल गायकवाड, दुय्यम निरीक्षक अनिल पिकले, जवान रूपसिंग जारवाल, भागवत पाटील व वाहनचालक डुकरे यांनी केली. गेल्या आठवडाभरातील ही तिसरी कारवाई आहे.