राष्ट्रवादी काँग्रेसचे ‘टिमकी बजाव’ आंदोलन

बीड : निराधार सर्वसामान्य व शेतक-यांचे प्रश्न सोडविण्यास अपयशी ठरलेल्या जागे करण्यासाठी राष्ट्रवादी काँग्रेसच्या वतीने जिल्हाधिकारी कार्यालयासमोर शुक्रवारी ‘टिमकी बजाव’ आंदोलन करण्यात आले. यावेळी घोषणांनी परिसर दणाणून गेला. बीड नगर पालिकेचे उपाध्यक्ष हेमंत क्षीरसागर तसेच राष्ट्रवादीचे जिल्हा सरचिटणीस दिलीप भोसले यांच्या नेतृत्वाखाली हे आंदोलन करण्यात आले.

संजय गांधी निराधार योजनेच्या लाभार्थ्यांचे अनुदान त्यांच्या खात्यावर जमा करा, सिध्देश्वरनगर, नवनाथनगर, एमआयडीसी, गांधीनगर, प्रकाश आंबेडकरनगर, मोची गल्ली, संत नामदेवनगर, बलभीमनगर, गोरे वस्ती, बांगर नाला या भागातील दारिद्र्य रेषेचा सर्व्हे करा, चलन भरलेल्या रेशन कार्डचे तात्काळ वाटप करा, गॅस आणि पेट्रोल दरवाढ कमी करा, शेतकºयांच्या कर्जमाफीच्या याद्या जाहीर करा, संजय गांधी निराधार योजना समितीची बैठक तात्काळ घ्या, जुनी चार हजार प्रकरणे निकाली काढा, जिल्हा पुरवठा विभागाच्या कारभाराची चौकशी करा यासारख्या विविध मागण्यांचे निवेदन जिल्हाधिकाºयांना देण्यात आले.

या आंदोलनात ज्येष्ठ नेते अ‍ॅड.डी.बी. बागल, तालुकाध्यक्ष गंगाधर घुमरे, बबन गवते, शिवाजी जाधव, फारूक पटेल, बरकत पठाण, अमर नाईकवाडे, रमेश चव्हाण, प्रभाकर पोकळे, अ‍ॅड.इरफान बागवान, रणजित बनसोडे, भैय्यासाहेब मोरे, शेख आमेर, बाजीराव बोबडे, बिभीषण लांडगे, सय्यद मुजीब, अब्दुल खदिर जवारीवाले, हिराबाई कांबळे, वंदना धन्वे, वंदना जाधव, शेख अशफाक, राजु पैठणे, कपिल इनकर, राजू महूवाले यांच्यासह हजारो कार्यकर्ते सहभागी झाले होते.