होंडाची नवी स्कूटर 'ग्राझिआ', शहरी ग्राहकांसाठी तयार केलं खास मॉडेल

By ऑनलाइन लोकमत on Fri, October 27, 2017 8:23am

होंडाने आता स्कूटरच्या वाढत्या मागणीमुळे ग्राझिआ ही एक आकर्षक स्कूटर सादर करण्याचे योजिले आहे. साधारण नोव्हेंबरमध्ये ती प्रत्यक्ष हाती पडू शकेल, अशी अपेक्षा असताना सोशल मिडियावर तिची चर्चा आतापासूनच रंगू लागली आहे.

अॅक्टिव्हाच्या निर्मात्या होंडा मोटारसायकल स्कूटर इंडिया या कंपनीकडून आता ग्राझिआ ही नवी स्कूटर भारतीय ग्राहकांसाठी सादर होणार आहे.लवकरच तिची नोंदणीही सुरू होणार असून विशेष करून शहरी भागासाठी आरेखित करण्यात आलेले हे देखणे मॉडेल, लोकांना किती आवडेल ते आता पाहायचे आहे.

१२५ सीसी क्षमतेच्या ताकदीचे इंजिन अॅक्टिव्हाचे असून स्कूटरसाठी असणाऱ्या वाढत्या मागणीमुळे ग्राझिआला सादर केले जात आहे. दोन हजार रुपये इतक्या रक्कमेवर ग्राझिआची नोंदणी सुरू केली जाणार आहे.

सध्याच्या अॅक्टिव्हाच्या विविध प्रकारांमध्ये ही आकर्षक ठरू शकेल, अशी अपेक्षा आहे. साहजिकच किंमतीतही फरक असून सुमारे ६५ हजार रुपये इतकी किंमत जाण्याची शक्यता आहे.

ग्राझिआची ठळक वैशिष्ट्ये

- इंजिन १२४.९ सीसी

- ४ स्ट्रोक

- फॅनकूल्ड एसआय इंजिन

- ८.५२ बीएचपी कमाल ताकद व ५००० आरपीएम

- टॉर्क १०.५४ एनएम

- वेगळी आकर्षक रचना

- बसण्यासाठी व स्टोरेजसाठी जास्त जागा

- कॉम्बी ब्रेक

- पुढील चाकासाठी डिस्क ब्रेक

- मोबाइलसाठी यूएसबी चार्जिंग पर्याय

संबंधित

मालेगाव : जिल्हा प्रादेशिक परिवहन प्राधिकरणाचा निर्णय २० वर्षांवरील रिक्षा-टॅक्सींना जिल्ह्यात बंदी
कामावरून घरी परतणा-या दुचाकीस्वाराची लूट
१२५ सीसी क्षमतेच्या स्कूटरमध्ये सध्या बऱ्यापैकी पर्याय
कारची विक्री २०१७ मध्ये ४ वर्षांच्या उच्चांकावर, जीएसटीचा फायदा, ३0 लाखांहून अधिक वाहनांची खरेदी
पुलांवरील सांधे पार करताना वाहनचालकांनी घ्यावी काळजी

ऑटो कडून आणखी

पुलांवरील सांधे पार करताना वाहनचालकांनी घ्यावी काळजी
सीएनजीचा वापर करताना त्या कारची परिपूर्ण देखभाल करणे अत्यावश्यक
Motorola Christmas Offer: मोटोरोलाच्या स्मार्टफोन्स मिळणार सवलत! 
नववर्षानिमित्त हिरो मोटर्सने लाँच केल्या तीन नव्या बाईक्स
कारच्या आतील प्लॅस्टिक स्वच्छतेसाठी वॅक्स पॉलिशपेक्षा साध्या कापडाच्या ओलसर फडक्याचा वापर अधिक प्रभावी

आणखी वाचा