औरंगाबादच्या सीए विद्यार्थी संघटनेचा दिल्लीत गौरव
By लोकमत न्यूज नेटवर्क | Published: February 19, 2018 03:00 AM2018-02-19T03:00:05+5:302018-02-19T03:00:05+5:30
सीए विद्यार्थी संघटनेच्या देशात १८० शाखा कार्यरत असून औरंगाबादेतील सीए विद्यार्थी संघटनेच्या कार्याचा दिल्लीत गौरव करण्यात आला.
औरंगाबाद : सीए विद्यार्थी संघटनेच्या देशात १८० शाखा कार्यरत असून औरंगाबादेतील सीए विद्यार्थी संघटनेच्या कार्याचा दिल्लीत गौरव करण्यात आला. केंद्रीय राज्यमंत्री पी. पी. चौधरी व आयसीएआय संघटनेचे राष्ट्रीय अध्यक्ष सीए नीलेश विकमसे यांनी येथील शाखेला द्वितीय पुरस्कार प्रदान केला.
पश्चिम विभागातील तीन राज्यांतून सर्वोत्कृष्ट शाखेचा बहुमान या एकाच सीए विद्यार्थी संघटनेला मिळाला. केंद्रीय वाणिज्य व उद्योगमंत्री सुरेश प्रभू, केंद्रीय रेल्वेमंत्री पीयूष गोयल प्रमुख पाहुणे होते. भिलाईची सीए विद्यार्थी संघटना पहिल्या क्रमाकांची मानकरी ठरली. त्यांनी ६ हजार आदिवासी विद्यार्थ्यांमध्ये सीएच्या अभ्यासक्रमाबद्दल जागृती निर्माण केली. औरंगाबादेतील सीए संघटनेने वर्षभरात जीएसटी, रेरा, ई-वे बिल आदींसंदर्भात जनजागृती कार्यक्रम घेतले. गुरुपौर्णिमा उत्सव व शहीद जवानांच्या परिवाराला सन्मानित केले व आर्थिक मदत दिली. सीए विद्यार्थी संघटनेचे अध्यक्ष सीए रोहन आचलिया, उपाध्यक्ष ऐश्वर्या ब्रह्मेचा व सचिव रोहन खंडेलवाल यांनी पुरस्कार स्वीकारला.
औरंगाबाद सीए संघटनेचे अध्यक्ष सीए अल्केश रावका व पदाधिकाºयांनी मार्गदर्शन केले. शहरातील सर्व सीए विद्यार्थी व सीए यांचा यांचे हे यश आहे, असे प्रतिपादन सीए रोहन आचलिया यांनी केले. संघटनेचे अभिनव शर्मा, मंजिरी महतोले, श्रेया लड्डा, रोहन मुगदिया, राशी तोतला यांनी वर्षभर उपक्रमांसाठी परिश्रम घेतले.