14 वर्षीय भोळसर मुलाचा गच्चीवरून पडून मृत्यू

By लोकमत न्यूज नेटवर्क on Fri, November 10, 2017 4:01pm

14 वर्षीय भोळसर मुलाचा राहत्या घरावरील दुसऱ्या मजल्याच्या गच्चीवरून  पडून मृत्यू झाल्याची घटना आज सकाळी 10 वाजेच्या सुमारास मयुरपार्क येथील मारोतीनगर मध्ये घडली .

औरंगाबाद : 14 वर्षीय भोळसर मुलाचा राहत्या घरावरील दुसऱ्या मजल्याच्या गच्चीवरून  पडून मृत्यू झाल्याची घटना आज सकाळी 10 वाजेच्या सुमारास मयुरपार्क येथील मारोतीनगर मध्ये घडली . या घटनेमुळे परिसरात सर्वत्र हळहळ व्यक्त करण्यात येत आहे . शैलेश कैलास सोनवणे (वय 14) असे मृत मुलाचे नाव आहे .

पोलीस आणि नातेवाईकांनी दिलेली अधिक माहिती अशी की,  शैलेशचे वडील हे माजी सैनिक असून ते मयूर पार्क येथे राहतात. शैलेश हा स्वभावाने भोळसर आहे. यासाठी त्याच्यावर सैनिकी रुग्णालयात उपचार  देखील सुरू होते. आज सकाळी शैलेशने आई वडिलांसोबत दुस-या मजल्यावर बसून चहा घेतला. त्यानंतर आई वडील दोघेही आपापल्या कामात व्यग्र  झाले. काही वेळाने अचानक काहीतरी खाली कोसळण्याचा आवाज झाला. आवाज ऐकून आई- वडील दोघेही गॅलरीत आले असता शुभम रक्ताच्या थारोळ्यात जमिनीवर पडलेला दिसला. 

सोनवणे यांनी लागलीच शैलेश याला शेजाऱ्यांच्या मदतीने घराजवळील खाजगी रुग्णालयात हलविले. तो गंभीर जखमी असल्याने त्यास त्याला घाटी येथील शासकीय रुग्णालयात हलवण्यात आले. मात्र, रुग्णालयात पोहचण्या आधीच शैलेशची प्राणज्योत मालवली. वैधकीय अधिकाऱ्यांनी त्यांला तपासून मयत घोषित केले. या प्रकरणी हर्सूल पोलीस ठाण्यात घटनेची नोंद घेण्यात आली आहे. पुढील तपास पोलीस निरीक्षक मनीष कल्याणकर हे करीत आहेत.  

संबंधित

फेसबुक पोस्टच्या वादातून काँग्रेस कार्यकर्ता मनोज दुबे हत्येप्रकरणी दोघांना अटक
चितळाची शिकार करणा-या १७ आरोपींना अटक; वनविभागाची कारवाई
औरंगाबादमधील नवीन अनधिकृत वसाहतींत जलवाहिन्या नाही; कार्यकारी अभियंत्यांची माहिती 
इंस्टाग्रामवर अश्लील फोटो अपलोड केल्याप्रकरणी अल्पवयीन मुलीला अटक 
...म्हणे औरंगाबाद शहरात तीनपट पाण्याचे स्रोत; जलतज्ज्ञांचा महापालिका आयुक्तांना अहवाल सादर

औरंगाबाद कडून आणखी

फेसबुक पोस्टच्या वादातून काँग्रेस कार्यकर्ता मनोज दुबे हत्येप्रकरणी दोघांना अटक
चितळाची शिकार करणा-या १७ आरोपींना अटक; वनविभागाची कारवाई
औरंगाबादमधील नवीन अनधिकृत वसाहतींत जलवाहिन्या नाही; कार्यकारी अभियंत्यांची माहिती 
इंस्टाग्रामवर अश्लील फोटो अपलोड केल्याप्रकरणी अल्पवयीन मुलीला अटक 
...म्हणे औरंगाबाद शहरात तीनपट पाण्याचे स्रोत; जलतज्ज्ञांचा महापालिका आयुक्तांना अहवाल सादर

आणखी वाचा