बेलोरा विमानतळ विकासाच्या निविदा
By लोकमत न्यूज नेटवर्क | Published: March 20, 2018 12:40 AM2018-03-20T00:40:39+5:302018-03-20T00:40:39+5:30
बहुप्रतीक्षेनंतर बेलोरा विमानतळाचे प्रस्तावित विस्तारीकरणासह विविध विकासकामांच्या निविदा थेट मंत्रालयातून निघाल्या आहेत.
आॅनलाईन लोकमत
अमरावती : बहुप्रतीक्षेनंतर बेलोरा विमानतळाचे प्रस्तावित विस्तारीकरणासह विविध विकासकामांच्या निविदा थेट मंत्रालयातून निघाल्या आहेत. यात एकूण सहा एजन्सी विकासकामे घेण्यासाठी इच्छुक असून, सुमारे आठ कोटी रुपयांतून टर्मिनल इमारत, एटीएस टॉवर उभारले जाणार असल्याची माहिती सूत्रांकडून मिळाली आहे. त्याअनुषंगाने एक चमू नुकतीच विमानतळाची पाहणी करून गेली, हे विशेष.
बेलोरा विमानतळाच्या विकासात अडसर ठरणारा जमिनीवरील अडथळ्यांचा अभ्यास (ओएलएस) नुकतेच आटोपला. ओएलएस सर्वेक्षणाद्वारा धावपट्टीवरून ४ ते १५ किमीपर्यंत अडथळे कॅमेऱ्यात कैद करण्यात आले. त्यामुळे विमानतळाचा विकासात अडसर ठरणारे पहिले पाऊल दूर झाले आहे.