Hearing on the bail application of zambad-father-son on Monday | झांबड पिता-पुत्राच्या जामीन अर्जावरील सुनावणी सोमवारी
झांबड पिता-पुत्राच्या जामीन अर्जावरील सुनावणी सोमवारी

ठळक मुद्दे झांबड यांच्या अटकपूर्व नियमित जामीन अर्जावरील मंगळवारी असलेली  सुनावणी पुन्हा पुढे ढकलण्यात आली १३ नोव्हेंबर रोजी  त्यांच्या जामीन अर्जावर सुनावणी होण्याची शक्यता


लोकमत न्यूज नेटवर्क
अकोला : शासनाच्या मालकीचा २0 कोटी रुपयांच्या भूखंड घोटाळय़ात  मुख्य आरोपी असलेल्या दीपक झांबड व त्याचे पिता रमेश गजराज  झांबड यांच्या अटकपूर्व नियमित जामीन अर्जावरील मंगळवारी असलेली  सुनावणी पुन्हा पुढे ढकलण्यात आली आहे. आता १३ नोव्हेंबर रोजी  त्यांच्या जामीन अर्जावर सुनावणी होण्याची शक्यता आहे. 
शहरातील २0 कोटी रुपये किमतीच्या ३ हजार ७१७.१७ चौरस मीटर  भूखंडाचे हस्तलिखित दस्तावेज नसताना तालुका भूमी अभिलेख विभागा तील अधिकारी आणि कर्मचार्‍यांच्या संगनमताने गजराज गुदडमल  मारवाडी यांच्या नावे संगणकात ऑनलाइन नोंद घेऊन हा भूखंड कागदो पत्री हडपण्यात आला. हे प्रकरण ‘लोकमत’ने चव्हाट्यावर आणले,  तसेच पाठपुरावा केला. याप्रकरणी सिटी कोतवाली पोलीस ठाण्यात तक्रार  झाल्यानंतर तपास आर्थिक गुन्हे शाखेकडे आला. त्यांनी तपास पूर्ण करून  भूमी अभिलेख विभागाचे उपअधीक्षक योगेश कुळकर्णी यांच्या  तक्रारीवरून दीपक रमेश झांबड व रमेश गजराज झांबड यांच्यासह भूमी  अभिलेख विभागाचे अधिकारी-कर्मचार्‍यांविरुद्ध भारतीय दंड विधानाच्या  कलम ४२0, ४६७, ४६८, ४७१, १२0 ब, आयटी अँक्ट कलम ६५  नुसार गुन्हा दाखल के ला होता. या प्रकरणात दीपक झांबड व रमेश झांबड  यांनी न्यायालयात अटकपूर्व जामिनासाठी अर्ज केला होता. न्यायालयाने  त्यांना अंतरिम जामीन मंजूर केला. त्यांच्या नियमित जामीन अर्जावर  शुक्रवारी न्यायालयात सुनावणी होणार होती; परंतु ही पुन्हा पुढे ढकलण्या त आली. आता दोघांच्या जामीन अर्जावर १३ नोव्हेंबर रोजी सुनावणी  होण्याची शक्यता आहे.


Web Title: Hearing on the bail application of zambad-father-son on Monday
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.