जिल्ह्यात कोरोनाचे नवीन १०० रुग्ण; ९ जणांचा मृत्यू

सांगली : जिल्ह्यातील नवीन कोरोना रुग्णसंख्या स्थिर राहताना, रविवारी १०० नवीन रुग्ण आढळले. दिवसभरात परजिल्ह्यातील एकासह जिल्ह्यातील ८ जणांचा मृत्यू झाला तर १७५ जण कोरोनामुक्त झाले.

जिल्ह्यातील ८ जणांचा मृत्यू झाला त्यात तासगाव तालुक्यातील ४, खानापूर आणि मिरज तालुक्यातील प्रत्येकी दोघांचा मृत्यू झाला. महापालिका क्षेत्रात एकाही मृत्यूची नोंद न झाल्याने दिलासा मिळाला.

रविवारी आरटीपीसीआर अंतर्गत २३४९ जणांच्या नमुन्यांची तपासणीतून २७ तर रॅपिड ॲन्टिजनच्या २७५१ चाचण्यांच्या तपासणीतून ८० जण बाधित आढळले.

उपचार घेत असलेल्या ७५७ जणांपैकी २५९ जणांची प्रकृती चिंताजनक आहे. त्यातील १९४ जण ऑक्सिजनवर तर ६५ जण व्हेंटिलेटरवर उपचार घेत आहेत. परजिल्ह्यातील एकाचा मृत्यू तर नवीन ७ रुग्ण आढळले.

चौकट

आतापर्यंतचे एकूण बाधित १९७८५७

उपचार घेत असलेले ७५७

कोरोनामुक्त झालेले १९१८३२

आतापर्यंतचे एकूण मृत्यू ५२३८