२४ अवैध तलवारींचा साठा जप्त, पंजाबच्या अमृतसरमधील तरुणासह दोघांना अटक

पोलिसांनी २४ तलवारी व एक मोटारसायकल असा एकुण मुद्देमाल जप्तही केला आहे. 

नाशिक - जिल्ह्यातील मनमाडमध्ये पोलिसांनी २४ तलवारीसंह दोन तरुणांना ताब्यात घेतलं आहे. मनमाड शहर पोलीस स्टेशनला मिळालेल्या गुप्त माहितीवरून मनमाड शहर पोलीस स्टेशनमधील अधिकारी व कर्मचाऱ्यांनी मनमाड शहरातून दत्तमंदिर रोडवरील मोठा गुप्तसर गुरुद्वाराबाहेर लावलेल्या एका स्टॉलवरुन २३ अवैध तलवारी आणि एका तरुणाच्या ताब्यातुन ०१ असा एकूण २४ अवैध तलवारीचा शस्रसाठा जप्त केला आहे. याप्रकरणी मनमाड शहर पोलीस स्टेशनमध्ये गुन्हा दाखल करण्यात आला आहे. पोलिसांनी २४ तलवारी व एक मोटारसायकल असा एकुण मुद्देमाल जप्तही केला आहे. 

यासंदर्भात मनमाड पोलीस उपविभागी अधिकारी समीर सिंग साळवे यांनी अधिक देताना सांगितले की, मनमान पोलिसांनी सदर प्रकरणी संदिप बाळासाहेब पवार राहणार वडगांव पंगू ता. चांदवड  आणि चरणसिंग भूपिंदरसिंग व २७ वर्ष राहणार न्यू कोट आत्माराम, सुलतानविंड रोड, अमृतसर या दोघांना ताब्यात घेतलं आहे. बेकायदेशीरपणे तलवार बाळगतांना आणि विक्री करतांना आढळून आल्याने दोघांनाही अटक करण्यात आली आहे. याप्रकरणी पुढील तपास पोलिस करत आहेत. मात्र, एवढ्या मोठ्या प्रमाणात तलवारींचा साठा जप्त करण्यात आल्याने ह्या तलावारी कुठून आणल्या आणि त्याची विक्री कोणत्या हेतुने करण्यात येत होती. याचाही तपास पोलिस यंत्रणांकडून करण्यात येईल.