नशेबाजांमध्ये जुंपली : जुन्या नाशकात भर रस्त्यात युवकाला भोसकले

By लोकमत न्यूज नेटवर्क | Published: October 18, 2021 08:57 PM2021-10-18T20:57:05+5:302021-10-18T20:59:23+5:30

भद्रकाली पोलीस ठाणे हद्दीत ऐन सणासुदीच्या पुर्वसंध्येला हाणामारी होऊन खूनाची घटना घडल्याने संताप व्यक्त केला जात आहे. शहरातील संवेदनशील पोलीस ठाण्यांपैकी एक असलेल्या भद्रकाली पोलीस ठाण्याच्या हद्दीतील वाढती गुन्हेगारी रोखण्याचे पोलिसांपुढे आव्हान निर्माण झाले आहे.

Jumpali among drug addicts: A young man was stabbed in the street in old Nashik | नशेबाजांमध्ये जुंपली : जुन्या नाशकात भर रस्त्यात युवकाला भोसकले

नशेबाजांमध्ये जुंपली : जुन्या नाशकात भर रस्त्यात युवकाला भोसकले

googlenewsNext
ठळक मुद्देदुधबाजार पोलीस चौकीपासून हाकेच्या अंतरावर घटनासीसीटीव्हीमध्ये प्रकार कैद

नाशिक : दुधबाजार पोलीस चौकीपासून हाकेच्या अंतरावर सोमवारी (दि.१८) संध्याकाळी आठ वाजेच्या सुमारास भर चौकात दोन फिरस्त्यांमध्ये हाणामाऱ्या झाल्या. यावेळी एकाने त्याच्याजवळील धारधार हत्यार दुसऱ्याच्या पोटात खुपसल्याने तो रक्ताच्या थारोळ्यात पडला. त्यास जिल्हा शासकिय रुग्णालयात पोलिसांनी दाखल केले असता वैद्यकिय अधिकाऱ्यांनी तपासून मयत घोषित केले. नितीन उर्फ सोनू बालाजी गायकवाड (३०,रा.भारतनगर, वडाळारोड) असे मृत्युमुखी पडलेल्या युवकाचे नाव असल्याचे पोलिसांनी सांगितले.

भद्रकाली पोलीस ठाणे हद्दीत ऐन सणासुदीच्या पुर्वसंध्येला हाणामारी होऊन खूनाची घटना घडल्याने संताप व्यक्त केला जात आहे. शहरातील संवेदनशील पोलीस ठाण्यांपैकी एक असलेल्या भद्रकाली पोलीस ठाण्याच्या हद्दीतील वाढती गुन्हेगारी रोखण्याचे पोलिसांपुढे आव्हान निर्माण झाले आहे. पोलीस चौकीपासून काही मीटर अंतरावर सोमवारी रात्री आठ वाजेच्या सुमारास खोदलेल्या मुख्य रस्त्यावर दोन फिरस्त्यांमध्ये वाद होऊन हाणामारी सुरु झाली. यावेळी अज्ञात संशयित आरोपीने नितीनला धारधार शस्त्रासे भोसकल्याने त्याचा मृत्यू झाला. घटनेनंतर संशयित हा फरार झाला आहे. पोलिसांकडून रात्री उशिरापर्यंत मारेकऱ्याचा शोध घेतला जात होता. परिसरातील दुकानांच्या सीसीटीव्ही कॅमेऱ्यांपैकी काही कॅमेऱ्यांमध्ये हा प्रकार कैद झाला आहे. या फुटेजच्या सहाय्याने भद्रकाली पोलीस व मध्यवर्ती गुन्हे शाखेकडून समांतर तपासाला गती देण्यात आली. रात्री उशिरापर्यंत भद्रकाली पोलीस ठाण्यात गुन्हा दाखल करण्याचे काम सुरु होते.

Web Title: Jumpali among drug addicts: A young man was stabbed in the street in old Nashik

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.